Qelibtin Sada

-Bu eserni yaxshi niyetlik Insanlargha hürmet bilen béghishlaymen!

Yazarmen: Kurasch Umar Atahan

☆☆☆☆

Yürügimde bir awaz bar,

Ürkütüp dayim rohiy qushumni,

Pichirlaydu manga toxtimay,

Muzikidek mungluq,

Hemde shunche yéqimliq,

Kallamdin alidu eqli we hoshumni.

Bilimen,

Natoghra bir awaz bu,

Ushbu awaz,

Ömrüm boyi Qan chiqarmay aldi jénimni,

Ushbu awaz,

Xupiyane söyüshüshtek goya,

Éghir gunah ishligendek qiynaydu méni!

Bilimen,

Ushbu awaz jennetlerdin qoghlighan Hawa Anani,

Ushbu awaz Teshwish chölide kezdürer bizni,

Ushbu awaz Sürgen etken Adem Atani,

Ushbu awaz….

Bihushluqta gunahlargha paturar méni!

Bilimen,

Ushbu awaz jennette yashnitip bizni,

Oyghutup uxlighan rohimni,

Wolqandek qaynitidu, tongghan qénimni.

Ushbu awaz jennetlerde yashnatsa séni,

Meyli Muellim,

Meyli molla,

Meyli sotchi,

Belki Ata-Anang ne dise disun….

Sen Üchün,

Peqet sen üchün…

Perwayim pelek hemmidin, deysen bir küni!

Xatalar ger meshuqliqni oyghatsa Kezisengmu gerche ming yillap Mejnun chölini,

Qulaq salisen bexitsiz künlerde,

Qarangghu we Gherip kichilerde,

Ashiqlar peryadigha, Söyündürse jéningni,

Qulaq salisen bexitsiz künlerde,

Qarangghu we Gherip kichilerde Ashiqlar dergahigha,

Derdingge Derman izleysen, Ashiqlar anglar meshuqlarning dertmen tilini, Izdigendek Adem Ata Hawa Anani!

Meshuqlar sep salidu etrapqa,

Hawa izdigendek Adem Atani,

Zariqip muhabetke Güldek igip bélini!

Yürügümde Bir awaz bar,

Ürkütüp dayim rohiy qushumni,

Pichirlaydu, Aram bermeydu qulqum tüwide!

Yürükümde Bir awaz bar,

Perishtidek Ayan bolar közümde!

Yürügümde Bir awaz bar,

Pichirlaydu, Aram bermeydu Nepisimni qisidu yérim kichide!

Yürügümde Bir awaz bar,

Pichirlaydu, Aram bermeydu

Ürkütüp dayim rohiy qushumni,

Oyghutidu Tang-Seherlerde!

Yürügümde bir awaz bar,

Janni élip janggallargha tashlar Insanni.

Ushbu awaz Hijran chölide kezdürer bizni,

Yashisaqmu Kakkuk- Zeyneptek,

Bihushluqta gunahlarda boghidu méni!

Yürügimde bir awaz bar,

Ürkütüp dayim rohiy qushumni,

Pichirlaydu manga toxtimay,

Muzikidek mungluq,

Hemde shunche yéqimliq,

Kallamdin alidu eqli we hoshumni.

Bilimen,

Ushbu awaz jennette yashnitip bizni,

Oyghutup uxlighan rohimimizni,

Wolqandek qaynitidu, tongghan qénimizni.

Yürügimde bir awaz bar,

Pichirlaydu manga toxtimay,

Ürkütüp dayim rohiy qushumni,

Muzikidek mungluq,

Hemde shunche yéqimliq,

Kallamdin alidu eqli we hoshumni.

Bu awazlar ger meshuqliqni oyghatsa,

Kezisengmu ming yillap Mejnun chölini,

Qulaq salisen bexitsiz künlerde,

Qarangghu we Gherip kichilerde,

Ashiqlar peryadigha, Söyündürse jéningni!

Qolwaq salisen bexitsiz künlerde,

Qarangghu we Gherip kichilerde Ashiqlar deryasigha,

Derdingge Derman izleysen,

Tatür Qaynamlar,

Hayatinggha tehdit salsamu,

Ashiqlar kezgen meshuqlarning dertmen Chölide!

18.12.2022 Germaniye