Tashlarni Chaqay Deymen, Düshmen’ge Atay Deymen!

(Shier)

-Uyghur Xeliq Qushaqlirigha Teqlid.

Yazarmen: Kurash Umar Atahan

☆☆☆><☆☆☆

1

Ong Qolumda Altun Palta,

Sol Qolumda Kömüsh Pichaq!

Sol Qolumda Kömüsh Palta!

Ong Qolumda Altun Pichaq!

Men Artushta, Sen Qeshqerde,

Uchrashmaymiz Yollar Yiraq!

Qarisaq Yetmes Közimiz,

Éyitsaq Anglanmaydu Sözimiz!

Biri Kakkuktek, Biri Zeyneptek,

Qiynap Judaliq, Patti Piraq!

Ong Qolumda Altun Üzük,

Sol Qolumda Kömüsh Üzük.

Qilich, Qalqan, Neyze, At,

Altun Bulaq, Ozuq Tülük!

Ong Yénimda Altun Böshük,

Sol Yénimda Kömüsh Böshük.

Oghlum Téghim,

Qizlirim Béghim,

Derya Aqar Süyüm Süzük!

Ong Yénimda Altun Chichek,

Sol Yénimda Kömüsh Chichek.

Atam Goya Altun Quyash,

Anam Goya Kömüsh Aydek!

Ong Yénimda Altun Téghim,

Sol Yénimda Kömüsh Béghim!

Yillar Aqidu Sudek,

Ötüp Ketti Altun Chéghim!

Asmandiki Ay iduq,

Yerge Chüshüp Lay bolduq.

Öz yurtta Ghérip Bolduq,

Manglurlargha Xar Bolduq!

Bir Terepte Altun Ghelwir,

Bir Terepte Kömüsh Eglek!

Kelgin Hürlük Biz Terepke,

Sen Kelmigech Yénimizgha,

Qulluq we Xorluqtin Boynimiz Pükük!

Sen Terk Etting Bizni Erkinlik

Renggimiz Saman,

Halimiz Yaman Boldi.

Sen Kelmiseng Yénimizgha,

Yaman Bolup Halimiz,

Saman Bolup Chirayimiz…

Chidimaydiken,

Hüriyet Ashighi….

Göshtin Pütken Bu Yürek!

Igiz Taghdin Su Keldi,

Char Yilandek Tolghunup.

Chach-Saqalgha Aq Kirdi,

Weten Üchün Ah Urup.

Sanap Chiqtim Hemmini,

Suntagh Yoli Tagh Tirek,

Ötüp Ketti Bu Yashliq,

Ériqtiki Lay Sudek!

Hezsultanda Bir Elem,

Xudaning Qolida Qelem!

Hich Kishige Kelmisun,

Manga Kelgen Dert Elem!

Sachtin Tola Dertler Keldi,

Yap-Yash Turup Bashimgha.

Sayda Tügmen Chörgileydu,

Közdin Aqqan Yashimgha.

Ezdi, Yürekni Ezdi,

Bashqa Kelgech Dertelem!,

Qéshimgha Ming Sewda Keldi!

Achchiqta Tola Oylap,

Yazdim, Sun’ghiche Qelem!

Taghning Baghrida Bagh Bar,

Baghning Arqida Tagh Bar!

Yaz Kétip Küzmu Keldi,

Qish Kétip Kelsun Bahar!

Kelgende sayidap kelgin,

Azghan Yoli Sidelik,

Ketkende Sayidap Ketkin,

Arghu Yoli Ridelik….

Kattaylaq Özi Yaylaq,

Hejepmu Yayliyalmadim,

Yaylisammu Yaylatim,

Dertke Payliyalmadim!

Qoyumni Otlitalmadim,

Boranlar Chiqip Sayda!

Ach Qoysam Qoy we Qozini,

Qoychi bolsam Nepayda?!

Ishtachidin Ötkende,

Lengger Yoligha Qara.

Bir Gül Bar Üstün Artushta,

Qelbimni Yara Qilghan Kichik Chéghimda!

2

Artushning Yoli Tashliq,

Shehliri Qatar Reste…!

Hayat Digen Bengwashliq,

Düshmen Yüriydu Qeste!

Ong Qolumgha Künni Ber,

Sol Qolumgha Ayni Ber…

Xoraz Chillaydu Baghchida,

Oyghunup Tangla Seher!

Ong Qolumda Altun Üzük,

Sol Qolumda Kömüsh Üzük.

Qilich, Qalqan, Neyze, At,

Altun Bulaq, Ozuq Tülük

Ong Bilekte Bileyzük,

Song Bilekte Bileyzük!

Düshmen Heddidin Ashti,

Közüm Yash, Dilim Üzük.

Su Ketip Tashlar Qaladur,

Ah, Sulirim Aqsun Süzük!

Taghmu taghlardin Igiz Aghibolaqning taghliri,

Üstide Qarlar Yaghadu,

Zep Güzel Jennet Kebi,

Qumul, Turpan Baghliri!

Ili Yoli Egri Toqay,

Toqayliqta Shehitler Bar!

Shehitlerni Öldi Dimey,

Jengkde Ölsem Gül Tutunglar!

Hotan, Qeshqer, Aqsu, Kuchar,

Qarasheher,

Cherchen Charqiliq.Ili, Altay,

Ürümchide Gül échilsa,

Qar Astida Tarbaghatay,

Artush Yolida Emen,

Ghulja Yolida Kengsay,

Qeshqer Yolida Semen!

Wetinim qoldin ketse Xelqimge nime Demen?

Pichaq Élip Qolumgha,

Tilghap Yüregimni Dertlik,

Dunyani Terik Eylep, Bérip Chöllerde Qan Yighlay!

3

Itekler Yaqa Boldi,

Kona Chöyün Taqa Boldi!

Yaqilar Itek Boldi,

Düshmen Bashqa Bela Boldi,

Yürekke Qisas we Öchlük Toldi!

Zalimlar Heddidin Ashti,

Ejep Bir Zaman Boldi!

Mezlumlar Peryadidin,

Yüreklerge Qan Toldi.

Etrapqa Baqay Deymen,

Müniwélip Aqqashqa!

Düshmenim Atsun Tashqa,

Dostlirim Atqay Bashqa!!!

Taghdin Aylinay Deymen,

Baghdin Aylinay Deymen.

Atanamni Qaqshatqan,

Düshmenni Yoqqilay Deymen!

><><><>|<><><><

Hezsultanda Bir Elem,

Xudaning Qolida Qelem!

Hich Kishige Kelmisun,

Bizge Kelgen Dert Elem!

Sachtin Tola Dertler Keldi,

Yap-Yash Turup Bashimgha.

Sayda Tügmen Chörgileydu,

Közdin Aqqan Yashimgha.

Ezdi, Yürekni Ezdi,

Bashqa Kelgech Dertelem!

Béshimgha Ming Sewda Keldi,

Yazdim, Sun’ghiche Ushbu Qelem!

01.09.2023 Germaniye